เอิ้นกันว่าแฟนอีกที ปิดบัญชีชู้เก่า : ศร สินชัย

เนื้อเพลง : เอิ้นกันว่าแฟนอีกที ปิดบัญชีชู้เก่า
ศิลปิน : ศร สินชัย

ขี้ฟ้ายังไหลยวยหย่าว ชีวิตเจ้ายังมีค่า
หยุดเถิดบอกต่อมน้ำตา เอิ้นขวัญเจ้ามาคืนคิง
เมื่อเจ้ากล้าเอ่ยคำลา ต้องกล้ายอมรับความจริง
วันที่อ้ายถูกคนทิ้ง กะเจ็บบ่ต่างจากเจ้า

คำว่าเฮาฮักกัน ยังอยู่ในซิมการ์ดใจ
สามปีที่บ่มีไผ ใจจ่มอ้ายงมเพียงเงา
ลมแห่งโชคชะตา พัดพาเจ้าคืนอีกคราว
ปลุกฝันคืนวันเก่าเก่า ตัดใจจากเขาเซาสาอย่าไห้

อ้ายนี้พร้อมสิเทคแคร์ ยื่นฮักแท้ให้เริ่มต้นใหม่
ย่านแต่ก้อนขี้ถ่านไฟ ในใจบ่ทันมอดดี

ฮอยแป้วด่าง บ่เป็นหยังช่างมันเถิดหนอ
ลืมเขาได้บ่ จึงกลับมาขอห้องใจอ้ายนี้
อ้ายสิบ่ถาม บ่ขะลำดอกข่าวราคี
เอิ้นกันว่าแฟนอีกที แล้วปิดบัญชีซะเด้อชู้เก่า

แตกเขิบโดนแล้วหัวใจ เข้าไงปานบักหอยนา
มื้อนี้ได้โต่งน้ำตา แฟนใหม่คนฮู้ชู้เก่า
อ้อมกอดที่เจ้าเคยคุ้น ตักที่เคยหนุนนอนนับดาว
เจ็บแค่นี้บ่ตายดอกส่าว เพราะอ้ายเคยลองวันน้องลาใจ

ชู้เก่าพร้อมสิเทคแคร์ ยื่นฮักแท้ให้เริ่มต้นใหม่
ย่านแต่ก้อนขี้ถ่านไฟ ในใจบ่ทันมอดดี

ฮอยแป้วด่าง บ่เป็นหยังช่างมันเถิดหนอ
ลืมเขาได้บ่ จึงกลับมาขอห้องใจอ้ายนี้
อ้ายสิบ่ถาม บ่ขะลำดอกข่าวราคี
เอิ้นกันว่าแฟนอีกที แล้วปิดบัญชีซะเด้อชู้เก่า
เอิ้นกันว่าแฟนอีกที แล้วปิดบัญชีซะเด้อชู้เก่า